درس اساسيات تأليف الترانيم
مثال ده بيت ونفس الكلام في القرار بس يتكرر بعد كل بيت
"بقيت خاطي وذنوبي كترت عليا وانا بنادي علي الهي وفديا " "وبقول عادي ونسيت كل اللي ليا ولما انادي بيجي يمسك ايديا"
الشرح القافية .... السطر الاول = كلمة خاطي مشابها لكلمة عادي في السطر الثاني حرف (ي) متكرر في الكلمتين في السطرين
في السطر الاول اخر نص السطر كلمة (عليا ) القافيه لكلمة (ليا ) في السطر التاني السطر الاول كلمة (بنادي) قافيه لكلمة (انادي ) في السطر الثاني السطر الاول كلمة ( فديا) قافيه لكلمة (ايديا ) في السطر الثاني
بس لازم علشان تعطي شكل افضل ولحن افضل فلازم
تكون القافيه في اخر نص السطر كلمة عليا واخر كلمة في نص السطر الاخر كلمة فديا وكلمة ليا قصادها كلمة ايديا
بقيت خاطي وذنوبي كترت عليا وانا بنادي علي الهي وفديا وبقول عادي ونسيت كل اللي ليا ولما انادي بيجي يمسك ايديا
شرح الميزانيه ...... الميزانية للكلام ان تكون كلمه ساهله النطق وتكون مقاربه للنطق من الكلمه اللي قبلها في السطر الاول
كلمة خاطي ميزانية لكلمة عادي
وكلمة عليا ميزانية لكلمة ليا وكلمة بنادي ميزانية لكلمة انادي
وكلمة فديا ميزانية لكلمة ايديا
ركز علي اخر حروف في الكلمه
خاطي " عادي حرف ي
عليا " ليا حرف أ
بنادي " انادي حرف ي
فديا " ايديا حرف ا ثالثا التنسيق .... ان يكون القافية والميزانية في نص السطر واخر السطر متطابقين يعني ركز في السطرين كده معايا عندك ممكن تنسقهم كده او تنسق علي حسب الحن بتاعك
بقيت خاطي وبقول عادي وانا بنادي ولما انادي وذنوبي كترت عليا ونسيت كل اللي ليا
هو ترتيب الكلمات في الابيات يعني لازم تكتب في السطر الاول بقيت خاطي كامثال انت تطبق من كلمات زهنك والسطر التاني وبقول عادي وتكمل في السطر الاول وذنوبي كترت عليا ونكمل في السطر الثاني ونسيت كل اللي ليا ده كده نص البيت وبعدها في السطر الاول تقول وانا بنادي السطر التاني ولما انادي اهتم وركز علي القافيه والميزانيه وونكمل السطر الاول علي الهي وفديا السطر التاني بيجي يمسك ايديا ملحوظه ركز علي البيت وكذالك القرار اقراء ترانيم واسمع ترانيم علشان تعرف طرق التنسيق ركز علي القافيه والميزانية القافيه هي اخر حرف بينتهي في كل نهاية البيت حتي اخر الترنيمه ولاحظ ان لازم تغير قافية القرار وميزانية القرار احعل القرار مختلف عن البيت حتي يعطي شكل افضل في الحن بتاعه الميزانية بتاعت الكلمة بتكون نفس الكلمة التي فيها القافيه تكون نفس الكلمة التي فيها الميزانية وتكون الميزانية اخر حرفين او اكثر يكونو متشابهين في كل الابيات مثال اتصلبت علشاني وانجلدت انت مكاني ركز علي اخر تلات احرف في كلمة علشان ي ومكاني هتلاقي انهم متشابهين ولكن القافيه ليها طرق كتير والميزانية لها طرق كتير والتنسيق له طرق كتير كل واحد بيتوصف بطريقته الخاصه لكن لازم ترتب الترنيمه تجعل السطر نصين يعني السطر فيه قافيه في اخر النص الاول وفي اخر النص الاخير ولازم يكون في ترتيب وتنسيق للقافيه والميزانية وممكن تكتب الترنيمه مره واتنين وتلاته وتعدل فيها براحتك انت كامبتدئ لازم تعمل تعديل كل ما تكتب بعد ما تكتبها افتكر انك مرنم ورنمها لحد ما هتلاقي كلمات مش حلوه هتقوم بتعديلها وتغييرها بكلمات افضل التنسيق بيساعدك علي التلحين يعني بتنطق نص السطر لوحده والنص التاني لوحده وفي كلمات تمدها في النطق وكلامات تتنطق بسرعه وكلمات تطلع بوجع علي حسب الكلمات الفكره من التنسيق ان يكون حروف وكلمات متساويين قد بعض يعني ولو اختلفو ميفرقش كتير يعني سطر تلات كلمات وسطر 7 كلمات ده خطاء الفرق لايذيد عن كلمتين
اتمنا تكون المحاضره افادتكم تحياتي عادل اشرف
إرسال تعليق