قداس

مسرحية عيد الام

المشهد الاول

دخول المسرح الاول بنتين وولد

شرح المشهد الاول اب وام وبنتين وابن واحداث البيت وتعب الشغل وتعب الطبيخ والغسيل وابن كويس وابن مش كويس وابن بيتعب امه وابن بيسمع كلام امه

الام // اه تعبت من الطبيخ والغسيل

الابن// ايه ياامي مالك انا مستني الاكل من بدري

الام// ايه يابني انت مفيش غير الاكل معاك

الابن// خلاص بابا جاء واكيد جوعان وعايز ياكل

الاب// ايه ياولاد مالكم يلا ياسماح هاتي الاكل

الام // انا لسه محضرتش الاكل استنا يجهز

الاب// يادي النيله السوداء لسه محضرتيش الاكل مال مستنيا ايه يلا حضري

الام// حاضر اهوه بسرعه وتجري تخرج

الاب // يقول للابن ايه عايز ياولدي واقف متنح كده

الابن // مفيش ياابويا بس انا جعان

الاب // استنا هتحضر امك الاكل وانا هخرج اجيب حاجه وهاجي

الابن // يقول انا تعبت من البيت ده لازم اخد فلوس

تدخل البنت // تأخد ايه يا اخويا

الابن // انتي سمعتي ياك لا انا بقول لازم اخد دروس

البنت // لا انا سمعت بتقول لازم اخد فلوس وبتفكر تسرق من البيت عارفه

الابن // يقول يلا يابت من هنا بلا دوش يلا من هنا

البنت // ماشي انا هندهلك مارينا اختي هي اللي بتعرف توقفك عند حدك

الابن // يذهب الي الغرفه ويأخد فلوس من الدولاب

الام// تمسكه بتعمل ايه ياولا سيب الفلوس احسن اضربك

الابن// انا هاخد الفلوس هجيب دبدوب لي حبيبتي سيبي

الام // انا مش هسيبك تاخد ولا مليم واحد

الابن // يدفش امه فا توقع وتقولوو كده يابني

يدخل الاب// ايه اللي عملته ده بتسرق فلوس امك وبتلزها

الابن // مقصدش ياابويا انا كنت بس

الاب// متبررش نفسك انا شفت كل حاجه ياخسارة تربيتي فيك

ويخرج الاب زعلان وتدخل الاختين

مارينا ومريم

مارينا// انت بتعمل كده يابولا  ياخساره اخويا يعمل كده

الابن // انا مقصدش يامارينا صدقيني  بتخرج وتسيبه

وهيقعد في البيت زعلان لوحده

مع بعض كلهم يدخلو الاب والام ومارينا ومريم ويقعدو علي الكراسي بسكوت وزعلانين

يقوم الابن // يعتزر امي سامحيني مكنتش اقصد بس انا ابنك وناقص حنان وحب ملقتش اهتمام منكم تعلموني الغلط من الصح

الام// ايوه احنا غلطنا ان معرفناكش غلطك وكنا بنعاقبك علي اي غلط وانت لحد الان مش بتعرف غلطك

الاب// بس يابني وقوم كده انت راجل انت سندي وسند البيت من بعدي

الابن// متقولش كده يابويا انت السند لينا كلنا

مارينا // انا فرحانه انك عرفت غلطتك يابولا وانك جيت واعتزرت

مريم // بس انا عايزه اقول حاجه احنا فعلا اتحرمنا من حاجات كتير

الام// اتحرمتو من ايه ياحبيبتي بتقولي ليه كده

مريم// اتحرمنا من الحب والاهتمام من الاهل اتحرمنا من المعامله الضرب المعاقبه حتي بدون ان تعرفونا غلطنا

الابن// بس يامريم احنا كده عرفنا غلطنا خلاص خلص الكلام

مارينا // طيب خلاص بقا علشان انهارده عيد الام بقا متقلبوهاش نكد

وكل ابن يطلع هديه يعطيها لي امه ويقولها كل سنه وانتي طيبه ياست الكل ويبوس راسها