قداس

البركه والعشور 

تأليف عادل اشرف

المشهد الاول

كمال// يابت يافوزيه انتي يابت يافوزيه

فوزيه // ايه مالك ياراجل في ايه

كمال // انا عايز اكل حضريلي اكل

فوزيه// حاضر انت مفيش غير الاكل معاك

ابرام // ايه يابوي مالك صوتك ليه جايب لاخر الشارع

كمال // قول ل امك اللي مطلعه عيني

ابرام // ايه ياما مالك في ايه مش تهاوديه وتجيبيلو اللي عايزه

فوزيه// طيب ياولدي هجيبلو يمكن ربنا يهديه

كمال// هو انا اتجنيت ربنا يهديني

فوزيه// ايوه بيقولو كده اعقل وخليك هادي

فوزيه هتروح تجيبلو الاكل

كمال// ايه اللي جايباه ده  ملوخيه  دي ملوخيه

فوزيه// ايوه ملوخيه مش عجباك خلي بنتك تحضرلك

كمال// يامارينا يابت يامارينا خدي يابنتي

مارينا // ايوه يابوي ايه فيه  عايز ايه

كمال// حضريلي اكل يابنتي  علشان امك مش عارفه تطبخ

مارينا // حاضر يابوي  5 دقايق يكون جاهز

كمال // ايوه يابنتي ايه طولتي ليه متجيبي الاكل

مارينا // ايوه يابوي اهوه خد الاكل بالهنا

بولا//  يابوي  في واحد تبع الكنيسه برا عايز عشور

كمال // ايوه يعني انا هعطيه ايه عشور

بولا // ايوه يابوي اي حاجه نعطيها للكنيسه تنفع اخواتنا الفقراء

مارينا // ايوه يابوي احنا لازم نعطي عشور للكنيسه

كمال// انتو بتخربطو تقولو ايه اعطي مين واحنا مين اللي بيعطينا علشان نعطي

يدخل عطيه // خلاص ياجماعه لو مش عايزين تعطي عشور خلاص ربنا اللي بيعطي

مارينا // استني ياعم عطيه انا هجيب فلوس

عطيه // خلاص يابنتي ربنا يباركك

بولا // يابوي احنا لازم نعطي عشور هتطلع عشور ولا اروح اديه الخروف عشور

كمال // طيب خليك توصل للخروف كده علشان اقطعك انت وامك قصادو

فوزيه // ايوه وعملتلك ايه امك انت وابنك اتخالصو

كمال // اسكتي احسن اكسر دماغك

فوزية // انا ماشية من عندك خالص اروح احضر اكل

عطية // انتو بتتخانقو علشاني لا خلاص انا مش عايز حاجه

بولا // لا متقولش  كده ياعم عطيه تعاله معايا بس انا هعطيك العشور سيبك من الراجل ده

عطية // ربنا هيعطيك اضعاف اضعاف ياولدي

كمال// ايوه  هتعطيه منين يابولا  قولي انت معاك فلوس

بولا//  لا يابوي انت نسيت ياك مال انا بأكل وبشرب في الخروف ليه ما انا كنت عامل حسابي

كمال// طيب اوعاك تقرب علي الخروف بقولك

بولا // تعاله ياعم عطيه افكلك الخروف وخدو علي السلخانه علطول علشان العيد خلي الفقرا ياكلو

عطية // يلا ياولدي ربنا يباركك

كمال // يجري وراهم ويقول خروفي خروفي

ويخرج برا المسرح 

المشهد الثاني

عماد// يدخل المسرح ويكلم بولا في الفون ويقولو تعاله انا مستنيك من بدري

يدخل بولا// ايوه ياعماد ايه مش باين ياض فينك

عماد// اهوه هروح فين يعني تعاله بس خلينا نروح نشوف الواد الاهبل ده

بولا// مين ياعماد نشوف مين تقصد سامح بس سامح ملوش في السكه دي وده بتاع ربنا مش بيفوته قداس

عماد// ايوه نشوفو يمكن يجي استنا اتصل بيه الوو سامح تعاله عايزينك بسرعه

يدخل سامح// ايه ياعماد ليه اتصلتو بيا عايزين ايه

بولا// ايه ياعماد رد عايزه ليه ما تقولو

عماد // احنا رايحين نقابل بنات ياسامح

سامح// لا انا مليش في السكه دي ويابولا متسمعش كلام عماد هيوديك في داهيه

عماد// سيبك منه  يلا بينا خلينا نقابل الموزز بس هم مستنينا يخرجو من المسرح وسامح يخرج

يدخلو مريم ونبيله

نبيله // فين يابنتي اللي هيج ويلا بينا محدش هيجي

مريم // استني يابنتي هيجو بقولك هيجو

يدخلو عماد// اهو احنا هنا انتو شايفينا يابنات

بولا // الله يخرب بيتك ياعماد ورطني يافقر

مريم// مش تعرفنا ياعماد  بصاحبك

عماد // ده بولا دي مريم دي نبيله

بولا// اهلا بيكم طيب انا هستأذن ياعماد معايا شغل

عماد// لا ياصاحبي السهره حلوه استنا هنجيب حشيش وخمره والقعده حلوه

يقعدو ويشربو ويسكرو

يسكر عماد// ايه ده هو انت معاك تؤام يابولا ولا ايه

بولا// انت بتقول ايه ياجدع ايوه انت متعرفش وانت معاك تؤام اهوه

مريم// ايوه بقا طيب احنا هنمشي بقا علشان الوقت اتأخر

نبيله// يلا بينا يامريم الوقت اتأخر يابنتي

عماد // يلا يابني نرجع البيت احسن نتأخر

بولا // يلا بينا ياعماد الدنيا ضلمه احسن ما نتأخر

يخرجو برا المسرح ويدخلو البيت

يلاقي عطية جمبه شوال يجي عيل صغير يدخل في الشوال

يجي عماد يشيل الشوال وهيسرقه

وهموماشيين يخبط الشوال ويخرج الولد يخضهم ويقولو عفريت ويجري ويخرجو برا المسرح

يدخل بولا// ندمان بكسره وندمان علي اللي عمله اذاي يشرب ويسرق ويعمل خطية

بولا // يارب انا اذاي عملت كده انا مستهلش محبتك ياربي انا خاطي يااااه اذاي قدرت اعمل كده

سامح// بولا بوص ياخويا مش عايزك تندم عايزك تعرف ان ربنا بيحبنا ومش بيزعل مننا

بولا // بس انا صلبت المسيح من تاني لما عملت الخطية دي ياتره هيسامحني

سامح// ربنا مسامحك علشان انت ندمت من قلبك وعايز ترجع

بولا // انا عايز ارجع ياسامح انا عايز اتوب وارجع زي الاول

سامح // تعاله بس نصلي وربنا هيسامحك ويسامحنا كلنا

يفضلو يصلو يقرا ابانا الذي

بولا// انا مبسوط لان رجعت لربنا ياسامح

سامح// ربنا حنين اوي يابولا وديما فاتح يده لينا وبينده علينا

بولا// ايوه فعلا ربنا فاتح يده لينا علطول وحاسس بينا

ويخرجو من المسرح

المشهد الثالث

كمال// الحق ياولدي الحق البيت اتخرب

بولا // ايه يابوي مالك في ايه

كمال // البقره ولدت ونزلت عيلها ميت

بولا // ما انا قولتلك يابوي لازم تعطي عشور علشان ربنا يبارك في النعمه دي

كمال // حاضر ياولدي هعطي عشور بس يجي هعطي عشور

فوزيه// انت سبب كل الخراب اللي في بيتنا ولا بتفتكر ربنا بالعشور ولا حتي بتصلي

كمال// انتي اسكتي خالص متتكلميش يافوزيه ايوووه

مارينا //  انتو ليه بتتخانقو علطول وبتأثرو عليا انا مش بعرف اذاكر من مشاكلكم

فوزيه // خلاص يابنتي روحي ذاكري مفيش حاجه

مارينا // يا امي انتو مشاكل البيت بتأثر عليا في المذاكره

كمال//  خلاص يامارينا روحي ذاكري وملكيش دعوه بالمشاكل دي

بولا // ايه يابوي ما خلاص ما كفايه مشاكل ايه يابوي

كمال// خلاص ياولدي مفيش حاجه حصلت

بولا // طيب انا يابوي ماشي رايح الشغل يلا سلام ويخرج

يدخل عطيه// يا عم كمال عايزين عشور علشان الفقراء

كمال // اهوه خد ياعطيه تاني كلو من خير ربنا

عطية // تمام ياعم كمال بركة ربنا كبيره

فوزية // ياراجل خد شوال الدقيق ده ووديه الكنيسه خلي ربنا يبارك في النعمة دي

كمال// اول مره تقولي حاجه صح يافوزيه  ويقل الشوال ويخرج بيه

وبعدها يرجع كمال يقعد علي الكرسي

يدخل // بولا الحق يابوي الحق يابوي ويفزعه من علي الكرسي فا يوقع من علي الكرسي

كمال// ايه يابولا خضيتني خير ياولدي ايه

بولا // الحق البقره بتولد امشي بسرعه يلا ويخرجو

وبعدها تدخل فوزيه // احضر اكل لا استنا لما اشوف هياكلو ايه

يدخل كمال// انتي يابت يافوزيه حضري الاكل يلا علشان مبسوطين

بولا // حضري الاكل ياما علشان مبسوطين  شايف يابوي لما حطيت العشور ربنا بارك في النعمه اللي معانا اذاي

كمال // فعلا ياولدي العشور ده مهم قوي كل ما تحط عشور ربنا يزيد البركه اكتر واكتر

بولا// طبعا يابوي مش هو مدبر الامور وهو ديما بيحس بينا

كمال // ايوه ياولدي بس يريت كل الناس تحط عشور

لان في ناس مش لاقيه تاكل ومستنيه الكنيسه تعطف عليها

بولا // احنا نعمل اللي علينا وننفز وصايا ربنا يابوي وملناش صالح بحد

كمال // تعاله نشوف البقره ياولدي اصلي جايبه نونو حلو

ويخرجو برا المسرح وكده خلصت المسرحية