قداس

مسرحية محبة المال 

الشخصيات

1/العاجز= عم فهمي

2/الظالم= جابر

3/الطيب = عم صليب

4/بنت الطيب = مارينا

5/بنت محتاجه مساعده = ابتسام

6/الخادم  = مينا

7/بنت متكبره = حنان

8/صديق الخادم = توماس

المشهد الاول 

عم فهمي = مرمي علي الارض وتعبان ومش قادر يتحرك وبيقول حد يساعدني ارجوكم حد يساعدني تعبان هموت

جابر = بيعدي من جمب عم فهمي وبيبوص عليه بقرف

عم فهمي = يمسك رجل جابر ارجوك ساعدني انا تعبان

جابر= سيب رجلي ياعم انت الله ايه ده هو كلو بقي يشحت

عم فهمي = ارجوك لاجل المسيح ساعدني ارجوك يااستاذ

جابر = ياعم روح انا فاضيلك شوفلك اي داهيه اتاوه فيها مقرف

عم فهمي = يفضل يعيط ويقول ليه يارب كده ليه خليتني محتاج مساعده من حد هو مش انا ابنك ويفضل يبكي

ويتعب عم فهمي وينام علي الارض في الشارع ومحدش يسال فيه

جابر = يرجع هيخطي علي عم فهمي ويقول ايه الناس دي

ويخرج جابر من المسرح 

يدخل عم صليب = يشوف عم فهمي مرمي علي الارض خير يارب خير ايه ده حد يجيب شوية مياه

تخرج مارينا = ايه يابويا فيه

عم صليب = اعطيني يابنتي شويه مياه بسرعه الراجل هيموت

مارينا = بتجري وبتجيب مياه ويفوقو عم فهمي ويقعدوه

عم فهمي = يقول اشكرك يارب اشكرك يالهي 

عم صليب = يقولو منين انت ومالك انت بخير

عم فهمي = يقول انا واحد كان بصحته زمان بس الزمن عكس معايا والمرض غلب الصحه واهوه حالي بقيت عاجز ويشكر ربنا

عم صليب= انت راجل بركه تعالي معايا البيت وبيساعده ويدخله البيت عنده وياكلو معاه

عم فهمي = شكرا علي محبتك لي ناس كتير رفضت تساعدني بس ربنا بعتك لي اشكرك يارب

عم صليب= يقولو احنا معملناش حاجه كلو عمل ربنا واحنا لازم ناخدوك علي المستشفي علشان تتحسن

ويخرجو من المسرح

المشهد التاني
يدخل جابر = ينده علي اخوه ويقولو انا عايز اتكلم معاك

فايز= يقولو ايه ياخوي احكي في ايه

جابر= طبعا من بعد موت والدك الله يرحمه كتب كل الاملاك باسمي وبصراحه انا مش عايز حد يشاركني في مالي

فايز = ياااه للدرجادي شايل مني بس عايز اقولك حاجه 

جابر= انا هنا علشان تخرج وتسيبني مش علشان تقولي واسمعك

فايز= هو انت هترد علي ربنا اذاي لما يقولك طردت اخوك

جابر= انت هتعملي نفسك قديس يلا اخرج من هنا  ويدفعه للجارج ويطرده برا المنزل

فايز = طيب استني اخر طلب صغير هعمله قبل ما امشي

جابر = خير عايز ايه  يلا انجز ومش عايز اشوف خلقتك هنا

فايز = يدخل يودع حنان ويقولها خلي بالك من ابوكي

حنان = انت ما تكلش هم وملكش دعوه ويلا اسمع كلام ابوي وسيبنا وامشي  وتكلمو بقرف

فايز= ربنا معاكم يابنتي اشوف وشكم بخير ويخرج

تدخل ابتسام = حد هنا ياناس انا مش عارفه ارجع البيت

حد يساعدني  يا اخواتي اللي هنا

مينا = مين اللي بينده ده ايوه ياست ايه فيه معاكي

ابتسام = انا مش عارفه ارجع البيت ممكن تساعدني 

مينا = حاضر يااختي اتفضلي ادخلي 

ابتسام = دخلت لكن بتكون خايفه لان ما تعرفش مينا كويس

مينا = اتصل بتوماس الوو ايوه ياتوماس تعاله بسرعه البيت عايزك

ابتسام = بداءت تخاف اكتر وقالت معلش انا هخرج وهحاول اخلي حد تاني يساعدني  وفتحت الباب ولقيت توماس علي الباب

توماس= خيرر يامينا ايه فيه ومين دي  طمني يابنتي في ايه

مينا = مفيش بس الاخت تايهه ومش عارفه ترجع بيتهم

توماس = حاضر هنساعدها  يطلب منها توماس ترتاح تقعد وهيوصلها لحد بيتها  ويخرجو من المسرح

المشهد الثالث

يفتح المسرح علي جابر= اه انا تعبان الحقيني يابنتي  انا تعبان

حنان = ايه يا ابويا مالك خير ايه فيك مالك وبقلق تتكلم

جابر = حاسس اني مش قادر اوقف ولا انصب طولي يابنتي

حنان = تصلي لربنا وتقول يارب ليه كده ابويا ايه عمل علشان يتعب كده ارجوك يارب اتحنن عليه واشفيه

جابر = يقول انا غلط لما طردت اخوي من البيت ارجوك يارب سامحني واغفرلي اشفيني يارب وهرجع اخوي وهنعيش زي الاول

حنان = بتبكي وبتطلب من ربنا يشفيه 

جابر = يابنتي اطلعي دوري علي عمك فايز ورجعيه البيت

حنان = حاضر يابوي بس اذاي اسيبك هنا وحدك 

جابر = اخرجي يابنتي بسرعه اطلعي دوري عليه ورجعيه

حنان = حاضر يابوي وتجري وتخرج من المسرح وجابر مفروط علي الارض

ويفكر لما رفض يساعد العاجز ويقول رفضت اساعد دلوقتي بقيت في نفس المستوي ومش لاقي اللي يساعدني

صوت من السماء= دلوقتي عرفت خطيتك وبتحاول تتوب ياجابر

جابر = مين يسوع الهي  انا عارف اني غلط كتير وعملت خطيه كتير بس  ارجوك تسامحني

صوت من السماء= انت تركت كل حاجه حلوه فيا وذهبت ورا فعل الشيطان وبقيت عبد للمال

جابر = ارجوك ياربي انا هتوب وهرجع زي الاول واحسن كمان

صوت من السماء = انا يا ابني لو لم احطك في هذه التجربه القاسيه فلم كنت ستلجاء ولا تتوب توب وارجع الي ارجع اليكم

جابر= يارب انا خلاص هتوب وهرجع اليك

فايز = يدخل هو وحنان اخويا ايه اللي حصل قولي مالك

جابر = سامحني يافايز انا ظلمتك كتير ابوي كتب كل الاملاك ليك بس من طمعي ومحبتي في المال زورت الاوراق علشان املك كل الاملاك سامحني ياخوي

فايز = انا مسامحك ياخوي ويفضل يبكي  انا مسامحك ياخوي

جابر = انا مرتاح وحاسس بحمول الدنيا اتمحت من علي ضهري

ويقولهم خلي بالك من بنتي وجوزها وافرح بيها ويموت

فايز = اخوي لا لا متموتش لا ويبكي اخوي انا لسه مقعدتش معاك شويه  لا  ويبكي

حنان = ابوي ابوي وتبكي مش كان نفسك تفرح بي ليه سبتني  ليه وتبكي

فايز = يسكت في حنان بس يابنتي ادعيله بالرحمه تعالي ويخرجو برا المسرح